Tóku á móti stúlku­barni á miðjum Hafnar­fjarðar­vegi

Þetta kemur fram í tilkynningu frá slökkviliðinu en atvikið átti sér stað í nótt þegar flytja átti konuna á fæðingadeild Landspítalans. Barnið var þó ekki á þeim buxunum að hinkra eftir því að vera komið á spítalann og fæddist á miðri leið. Barni og móður heilsast vel.

Venjulega sinnir slökkviliðið um hundrað sjúkraflutningum á sólarhring en í gær voru útköllin 94 talsins. Forgangsflutningar voru 33 og voru dælubílar kallaðir út tíu sinnum sem er meira en venjulegt er. Öll útköllin reyndust vera minniháttar þegar upp var staðið.