Fótbolti

Arnór skoraði í sigri Norrköping | Kristianstad vann góðan útisigur

Hjörtur Leó Guðjónsson skrifar
Arnór Sigurðsson skoraði annað mark Norrköðing í dag.
Arnór Sigurðsson skoraði annað mark Norrköðing í dag. Ahmad Mora/Getty Images

Íslendingaliðin Kristianstad og Norrköping unnu bæði sigra í sænska fótboltanum í dag. Kristianstad vann 0-2 útisigur gegn Kalmar í kvennaboltanum á meðan Norrköping vann 2-0 heimasigur gegn Degerfors þar sem Arnór Sigurðsson skoraði fyrir heimamenn.

Arnór og Ari Freyr Skúlason voru báðir í byrjunarliði Norrköping er liðið tók á móti Degerfors, en Andri Lucas Guðjóhnsen kom inn af varamannabekknum þegar um stundarfjórðungur var til leiksloka.

Heimamenn tóku forystuna eftir rétt rúmlega hálftíma leik áður en Arnór tryggði liðinu 2-0 sigur með marki á lokamínútu leiksins.

Norrköping situr nú í 11. sæti sænsku deildarinnar með 19 stig eftir 17 leiki, átta stigum meira en Degerfors sem situr í 14. sæti.

Þá vann Íslendingaliðið Kristianstad undir stjórn Elísabetu Gunnarsdóttur góðan 0-2 útisigur gegn Kalmar. Amanda Andradóttir var í byrjunarliði Kristianstad og Emelía Óskarsdóttir kom inn af varamannabekknum þegar um fimm mínútur voru til leiksloka.

Kristianstad situr í öðru sæti deildarinnar með 36 stig eftir 16 leiki, þremur stigum á eftir toppliði Rosengård. Kalmar situr hins vegar í 11. sæti deildarinnar með aðeins níu stig.

Sænski boltinn

Mest lesið


Fleiri fréttir

Sjá meira


×

Mest lesið