Innlent

Al­var­legt um­ferðar­slys við Hval­fjarðar­göng

Ellen Geirsdóttir Håkansson skrifar
Maður sem sagður er hafa verið á flótta undan lögreglu lenti í alvarlegum árekstri við Hvalfjarðargöng.
Maður sem sagður er hafa verið á flótta undan lögreglu lenti í alvarlegum árekstri við Hvalfjarðargöng. Vísir/Vilhelm

Ökumaður sem sagður er hafa verið á flótta undan lögreglu lenti í alvarlegum árekstri við Hvalfjarðargöng um klukkan hálf átta í gærkvöldi. Sjónarvottur segir ökumanninn hafa kastast tíu metra frá slysstað í kjölfar árekstursins en bíllinn á að hafa flogið upp í loftið við höggið.

Samkvæmt umfjöllun Fréttablaðsins varð fólk í strætisvagni á leið út úr bænum vitni að slysinu. Kona um borð í vagninum er sögð hafa verið sjúkraflutningamaður og veitt ökumanni bílsins aðhlynningu á slysstað. Eiginmaður sjónarvottar segir alla farþega strætisvagnsins hafa hlotið áfallahjálp á sjúkrahúsinu á Akranesi.

Ekki hefur náðst í lögreglu vegna málsins.

Hvalfjarðargöng Samgönguslys Lögreglumál

Mest lesið


Fleiri fréttir

Sjá meira


×

Mest lesið