Þunga­vigtin: Guð­mundur Þórarins­son mun spila í Evrópu­keppni á næstu leik­tíð

Þar kom einnig fram að liðið sem Guðmundur væri við það að semja við væri í Evrópukeppni á komandi leiktíð. Ekki kemur fram um hvaða lið er að ræða en tíu bestu deildir Evrópu samkvæmt UEFA eru efstu deildir í eftirfarandi löndum: 

1. England
2. Spánn
3. Ítalía
4. Þýskaland
5. Frakkland
6. Portúgal
7. Holland
8. Austurríki
9. Skotland
10. Rússland

Hinn þrítugi Guðmundur hefur komið víða við á sínum ferli sem hófst á Selfossi. Hann lék einnig með ÍBV áður en hann hélt út í atvinnumennsku árið 2013 er hann samdi við Sarpsborg 08 í Noregi. Hann fór þaðan til Nordsjælland í Danmörku áður en hann samdi við norska stórliðið Rosenborg. 

Hann lék svo með IFK Norrköping við góðan orðstír áður en hann fór til New York City í MLS-deildinni í Bandaríkjunum og varð þar meistari árið 2021. 

Fyrr á þessu ári samdi hann við Álaborg í Danmörku en stoppaði stutt og var samningslaus í sumar. Nú virðist sem Guðmundur sé búinn að finna sér nýtt lið og ætti það að koma í ljós hvað á hverju.

Guðmundur á að baki 12 A-landsleiki fyrir Íslands hönd sem og fjölda yngri landsleikja.

 Það má síðan nálgast allan þáttinn af Þungavigtinni á Spotify, Apple Podcasts og Tal.is/vigtin.