Innlent

Kona lést í um­ferðar­slysi í Skaft­ár­hreppi

Árni Sæberg skrifar
Kona lést eftir að hafa lent í umferðarslysi í nótt.
Kona lést eftir að hafa lent í umferðarslysi í nótt.

Kona lést í umferðarslysinu sem varð á Meðallandsvegi í Skaftárhreppi í nótt. Konan var farþegi í bílnum, en tveir aðrir farþegar voru fluttir mikið slasaðir á sjúkrahús með þyrlu. Ökumaður bílsins slapp ómeiddur.

Þetta kemur fram í tilkynningu frá lögreglunni á Suðurlandi. Þar segir að málið sé enn í rannsókn og að frekari upplýsingar verði ekki gefnar að sinni.

Veginum var lokað á meðan rannsókn á vettvangi stóð en vegurinn hefur verið opnaður að nýju.

Tilkynning um slysið barst lögreglu á þriðja tímanum í nótt.

Skaftárhreppur Samgönguslys

Tengdar fréttir

Mest lesið


Fleiri fréttir

Sjá meira


×

Mest lesið