Sautján vilja bæjarstjórastólinn í Norðurþingi

Árni Sæberg skrifar 7. júlí 2022 15:34

Helgi Jóhannesson og Glúmur Baldvinsson eru á meðal umsækjenda. Vísir/Vilhelm/Rúv

Sautján sóttu um stöðu bæjarstjóra Norðurþings. Þar á meðal eru Glúmur Baldvinsson og Helgi Jóhannesson lögmaður.

Umsóknarfrestur um stöðu sveitarstjóra Norðurþings rann út 26. júní síðastliðinn. Upphaflega sóttu 22 um en fimm drógu umsókn sína til baka og því hefur sveitarstjórn úr sautján umsækjendum að velja.

Umsækjendur eru í stafrófsröð:

Bergþór Bjarnason - Fjármálastjóri
Elías Pétursson - Fyrrverandi bæjarstjóri
Glúmur Baldvinsson - Leiðsögumaður
Gyða Björg Sigurðardóttir - Ráðgjafi
Helgi Jóhannesson - Lögmaður
Ingvi Már Guðnason - Verkstjóri
Jónas Egilsson - Fyrrverandi sveitarstjóri
Katrín Sigurjónsdóttir - Fyrrverandi sveitarstjóri
Óli Valur Pétursson - Fjölmiðlafræðingur
Sigurjón Benediktsson - Tannlæknir
Sædís Guðmundsdóttir - Meistaranemi
Valdimar O. Hermannsson - Fyrrverandi bæjarstjóri

Athygli vekur að Glúmur Baldvinsson, fyrrverandi frambjóðandi Frjálslynda lýðræðisflokksins til Alþingis, er meðal umsækjenda en hann hefur sótt um fjölda bæjarstjórastaða undanfarið.

Þá er Helgi Jóhannesson lögmaður einnig á meðal umsækjenda en hann sagði starfi sínu sem yfirlögræðingur Landsvirkjunar lausu árið 2021 eftir að að kona kvartaði undan óviðeigandi ummælum hans í hennar garð og óumbeðna snertingu.

Norðurþing Sveitarstjórnarkosningar 2022

Tengdar fréttir

Glúmur og Karl Gauti sækja einnig um í Rangárþingi ytra

Tuttugu og fimm sóttu um stöðu sveitarstjóra Rangárþings ytra. Fimm þeirra sem sóttu um drógu umsóknir sínar þó til baka.

6. júlí 2022 17:50

Nítján sóttu um stöðu bæjarstjóra í Hveragerði

Nítján sóttu um stöðu bæjarstjóra í Hveragerðisbæ en staðan var auglýst á dögunum. Aldís Hafsteinsdóttir er fráfarandi bæjarstjóri en hún mun taka við sem sveitarstjóri Hrunamannahrepps.

6. júlí 2022 10:44

Þau sóttu um stöðu bæjarstjóra í Mosfellsbæ

Alls sóttu þrjátíu um stöðuna bæjarstjóra í Mosfellsbæ sem auglýst var laust til umsóknar á dögunum. Fimm drógu umsóknir sínar til baka. Nýr bæjarstjóri mun taka við stöðunni af Haraldi Sverrissyni sem gengdi stöðunni síðustu fimmtán árin. Í hópi umsækjanda er fjöldi einstaklinga sem hafa gegnt stöðu bæjar- eða sveitarstjóra í öðrum sveitarfélögum.

4. júlí 2022 21:01