Ný hárlína frá Kérastase sérhönnuð fyrir herramenn

„Við erum að kynna nýja línu í Kérastase sem er sérhönnuð fyrir herramenn. Genesis Homme frá Kérastase er fyrsta sérhannaða hárvörulínan með tvöfalda virkni til að vinna á móti hárlosi, þynningu og viðkvæmu hári. Línan þykkir samstundir hárþræðina til að fá þykkara hár og fyrirbyggir hárlos.

Margir karlar fara í gegnum tímabil í lífinu þar sem þeir upplifa aukið hárlos og aukna þynningu. Gríptu til aðgerða og veittu hári þínu þá umönnun sem það þarf með Genesis Homme sem er einstök fyrirbyggjandi lína við hárfalli fyrir allar herramenn, alla lífsstíla og mismunandi hárlos. Tvöföld aðgerð sem miðar að hárfalli frá trefjarbrotum og frá veikri rót. Línan styrkir hártrefjarnar til að draga úr hættu á hárfalli á meðan hún veitir trefjum alla þá umönnun sem það þarf," segir Fríða Rut.

Aðspurð um hárlos svarar Fríða Rut, „lífsferill hárs er einfaldur, það vex, dettur af og nýtt hár tekur að vaxa. Langoftast detta hárin af jafnt og þétt og vaxa sömuleiðis. En hárlosi og hárþynningu hjá herramönnum er hægt að skipta í tvennt, annarsvegar þegar ástæðan er að hárið fellur frá rótinni og hinsvegar hárþynningu þar sem hártrefjarnar eru farnar að þynnast. Þættir sem ráða hárlosi geta verið margs konar s.s. erfðir, hormónavandamál og öldrun. Eins geta áföll valdið skyndilegu hárlosi, slys og ýmsir sjúkdómar og meðferðir við þeim, t.d. geisla- eða lyfjameðferðir. Við mikil veikindi eða álag getur hárlos orðið meira en ella. Þetta sést hjá þeim sem hafa veikst alvarlega. Hárlosið verður þó oft ekki beint í kjölfar veikindanna, heldur 3-6 mánuðum seinna. Dæmi um kvilla sem geta valdið hárlosi er járnskortur og truflun á starfsemi skjaldkirtils. Öðru máli gegnir ef hárlos dreifist ójafnt um höfuðið, þannig að há kollvik myndist eða skallatungl. Í þeim tilvikum ætti viðkomandi að leita læknis," segir Fríða Rut.

Hægt er að örva hárvöxt

Fríða Rut segir að það sé ýmislegt sem hægt sé að gera til að örva hárvöxt.

„Hágæðahárvörurnar Kérastase Paris eru í eigu L´Oréal Group sem setti nýverið á markað sérhannaða línu fyrir herramenn sem hjálpar til við að sporna gegn hárlosi og hárþynningu. Línan samanstendur af tveimur mismunandi sjampóum, sérhönnuðu hárvaxi og þykkingarspreyi ásamt hinu mikilvægu dropum sem koma í gelformi og þarf að nota einu sinni á dag í sex vikur Droparnir eru notaðir daglega og settir í hársvörðinn til að koma í veg fyrir að kollagen herðist og að hárið falli. En hinn frægi stjörnuhárfagmaður Darren Fowler, sem er mikill aðdáandi Kérastase og talsmaður merkisins í hárfagheiminum segir að það mikilvægasta sé að muna eftir að nota serumið og halda sig við rútínuna."

Fríða Rut tekur vel undir mikilvægi þess að nota línuna og halda sig við þá áætlun og rútínu til að vinna á þessu. „Ég segi stundum að það þýðir ekkert að fara til læknis og fá pensilín við sýkingu og taka það svo bara í 3 daga, þetta er prógram sem krefst þess að maður fylgi því fyrir árangur," segir hún enn fremur.