„Einn fáviti skemmdi ótrúlegt kvöld af fótbolta“

Nottingham Forest vann viðureignina í vítaspyrnukeppni og eftir leikslok fylltist leikvöllurinn af stuðningsmönnum Forest. Einn stuðningsmanna Forest hjólaði beint í áttina að Sharp og flugskallaði fyrirliðann á meðan hann var að horfa í aðra átt.

„Einn fáviti skemmdi ótrúlegt kvöld af fótbolta,“ skrifaði Sharp á Instagram í dag.

Sharp spilaði eitt tímabil með Nottingham Forest tímabilið 2012-2013 og lág hann óvígur eftir á grasinu í kjölfar árásarinnar en það varð að sauma nokkur spor í höfuð hans.

„Hamingjuóskir til Nottingham Forest fyrir sigurinn og ég óska þeim góðs gengis í úrslitaleiknum. Sem fyrrum leikmaður Forest þá mun ég ekki láta eitt skemmt epli eyðileggja þá virðingu sem ég ber fyrir stuðningsmönnum Forest.“

Lögreglan í Nottinghamskíri hefur handtekið 31 ára karlmann sem er grunaður um þessa árás og mun hann vera yfirheyrður á næstu dögum. Sky hefur birt myndbrot af árásinni sem má sjá með því að smella hér.