Bein útsending: Dramatísk kosninganótt gerð upp á Sprengisandi

Kristján Kristjánsson fær til sín góða gesti á Sprengisand á Bylgjunni klukkan 10. Þar verða atburðir næturinnar skeggræddir og úrslitin gerð upp.

Katrín Jakobsdóttir forsætisráðherra, Áslaug Arna Sigurbjörnsdóttir háskóla-, iðnaðar- og nýsköpunarráðherra, og Logi Einarsson, formaður Samfylkingarinnar verða fyrstu gestir þáttarins.

Síðar mæta Þorgerður Katrín Gunnarsdóttir, formaður Viðreisnar, Sigurður Ingi Jóhannesson, formaður Framsóknarflokksins, og Andrés Ingi Jónsson, þingmaður Pírata. 

Á eftir þeim verður rætt við Dag B. Eggertsson, borgarstjóra Reykjavíkur, Einar Þorsteinsson, nýkjörinn borgarfulltrúa og oddvita Framsóknar í borginni og Hildi Björnsdóttur, borgarfulltrúa og oddvita Sjálfstæðismanna í borginni. 

Í lok þáttar verður svo meðal annars rætt við stjórnmálafræðingana Eirík Bergmann og Grétar Þór Eyþórsson.

Hlusta má á þáttinn í beinni útsendingu á Bylgjunni og Stöð 2 Vísi hér að neðan.