Pétur verður áfram í Kópavoginum: „Framtíðin er björt hjá Blikum“

„Framtíðin er björt hjá Blikum og ég er spenntur fyrir framhaldinu. Ég er nýbúinn að skrifa undir tveggja ára samning og ætla að halda áfram að byggja upp lið sem spilar skemmtilegan og árangursríkan körfubolta," sagði þjálfarinn margreyndi um næsta tímabil.

Pétur tók við stjórnartaumunum Blikum vorið 2018 en þar áður þjálfaði hann Hamar, Ármann, Skallagrím og uppeldisfélag sitt, Hauka.

Breiðablik hefur farið á milli efstu og næstefstu deildar í stjórnartíð Péturs en hélt sæti sínu í deildinni að þessu sinni og var grátlega nærri því að komast í úrslitakeppnina.