Guð­mundur Árni leiðir lista Sam­fylkingarinnar í Hafnar­firði

Guðmundur var efstur í flokksvali sem haldið var í febrúar en á eftir honum koma Sigrún Sverrisdóttir, Árni Rúnar Þorvaldsson, Hildur Rós Guðbjargsdóttir, Stefán Már Gunnlaugsson og Kolbrún Magnúsdóttir og er það sömuleiðis í samræmi við niðurstöður flokksvalsins. 

Samfylkingin er nú með tvo bæjarfulltrúa í Hafnarfirði, Sigrúnu Sverrisdóttur og Öddu Maríu Jóhannsdóttur, en Adda skipar nú heiðurssæti á listanum.  Tveir varabæjarfulltrúar eru á listanum, þeir Árni Rúnar og Stefán Már. 

„Framboðslisti Samfylkingarinnar í Hafnarfirði er ekki bara sigurstranglegur heldur líka fjölbreyttur en á listanum er fólk úr öllum áttum úr hafnfirsku samfélagi. Við erum með ungt og ferskt fólk í bland við reynslu sem hefur brennandi áhuga á öllum hliðum samfélagsins. Hafnarfjörður er jafnaðarmannabær og við erum mætt til leiks og ætlum að láta verkin tala,“ segir Guðmundur Árni um niðurstöðurnar. 

Guðmundur Árni var í bæjarstjórnarmálum í tólf ár og þar af sjö ár bæjarstjóri fyrir Alþýðuflokkinn í Hafnarfirði. Hann var varaþingmaður Alþýðuflokksins frá árinu 1991 til 1993 og þingmaður fyrst fyrir Alþýðuflokkinn og síðan Samfylkinguna frá 1993 til 2003. Þá var hann félagsmálaráðherra í samsteypustjórn Sjálfstæðisflokks og Alþýðuflokks frá árinu 1993 til 1994. 

1. Guðmundur Árni Stefánsson
2. Sigrún Sverrisdóttir
3. Árni Rúnar Þorvaldsson
4. Hildur Rós Guðbjargardóttir
5. Stefán Már Gunnlaugsson
6. Kolbrún Magnúsdóttir
7. Auður Brynjólfsdóttir
8. Jón Grétar Þórsson
9. Gunnar Þór Sigurjónsson
10. Helga Þóra Eiðsdóttir
11. Gauti Skúlason
12. Gundega Jaunlinina
13. Snædís Helma Harðardóttir
14. Símon Jón Jóhannsson
15. Inga Björk Margrétar Bjarnadóttir
16. Guðbjörg Norðfjörð Elíasdóttir
17. Reynir Ingibjartsson
18. Sigurjóna Hauksdóttir
19. Gylfi Ingvarsson 77
20. Sigrid Foss
21. Steinn Jóhannsson
22. Adda María Jóhannsdóttir