Allt á kafi í Veiðivötnum

Eitt af því sem unnendur Veiðivatna fylgjast vel með eru snjóalög á svæðinu en sum árin þegar vetur hefur verið snjóléttur hafa vatnsstaðan verið heldur lág. Þetta getur vissulega haft mikil áhrif á veiðina en að sama skapi er sama staða uppi þegar vatnsstaðan er há en þá, eins og í litlu vatni, þarf að leita frá hinum hefðbundnu veiðistöðum að fiski.

Vefmyndavélarnar uppfrá sína glögglega munin á snjóalögum við vötnin en eins og sést á meðfylgjandi myndum sem eru teknar sama dag milli ára er ansi mikill munur. Það gæti því orðið eins og sum árin ansi góðir skaflar við vötnin þegar veiði hefst. Sum árin hefur hluti vatnana meira að segja ennþá verið ísilagður að hluta sem hefur gert veiðimönnum ansi erfitt fyrir. Veiðivötn opna sem fyrr 18. júní og það er eflaust mikil spenna hjá þeim sem fara í vötnin á hverju ári enda fáir staðir jafn rómaðir fyrir fallegt umhverfi og veiði á landinu.