Sport

Snorri hækkaði sig um sautján sæti

Ingvi Þór Sæmundsson skrifar
Snorri Einarsson kemur í mark í fimmtán kílómetra skíðagöngunni.
Snorri Einarsson kemur í mark í fimmtán kílómetra skíðagöngunni. getty/Patrick Smith

Snorri Einarsson endaði í 36. sæti í fimmtán kílómetra skíðagöngu á Vetrarólympíuleikunum í Peking. Hann kom í mark á 41:17,5 mínútum.

Alls kláruðu 95 skíðagönguna í dag og því verður árangur Snorra að teljast mjög góður.

Hann keppti einnig í fimmtán kílómetra skíðagöngu á Vetrarólympíuleikunum í PeyongChang og endaði þá í 53. sæti. Snorri hækkaði sig því um sautján sæti milli leika.

Finninn Iivo Niskanen varð hlutskarpastur á tímanum 37:54,8. Alexander Bolshunov frá Rússlandi varð annar, 23,2 sekúndum á eftir Niskanen. Norðmaðurinn Johannes Hoesflot Klaebo fékk bronsið á 38:32,3.

Skíðaíþróttir Vetrarólympíuleikar 2022 í Peking

Mest lesið


Fleiri fréttir

Sjá meira


×

Mest lesið