CJ Burks farinn frá Keflavík og nýr Bandaríkjamaður mættur

Í tilkynningu frá stjórn körfuknattleiksdeildar Keflavíkur segir að félagið hafi ákveðið að segja upp samningi sínum við Bandaríkjamanninn CJ Burks sem hefur verið í lykilhutverki í sóknarleik Keflavíkur en liðið trónir á toppi deildarinnar um þessar mundir.

Burks skoraði 16 stig að meðaltali í leik í þeim þrettán leikjum sem hann spilaði.

Keflvíkingar hafa þegar fundið arftaka Burks því Bandaríkjamaðurinn Mustapha Heron hefur samið við Keflavík.

Heron er 24 ára gamall skotbakvörður, 196 sentimetrar á hæð og lék síðast í Ungverjalandi en hefur einnig leikið á Englandi.