Auðvelda leitina að hönnuðum og arkitektum hér á landi

Sylvía Rut Sigfúsdóttir skrifar 24. janúar 2022 13:30

Álfrún Pálsdóttir kynningarstjóri Miðstöðvar hönnunar og arkitektúrs. Aldís Páls

Miðstöð hönnunnar og arkitektúrs hefur útbúið sérstaka síðu til að auka sýnileika og auðvelda aðgengi að hönnuðum og arkitektum á Íslandi. Yfirlitið er komið í loftið á heimasíðu þeirra.

Um er að ræða yfirlitssíðu yfir starfandi hönnuði og arkitekta á Íslandi með góðri leitarvél sem auðveldar notandanum leitina. Allir hönnuðir og arkitektar sem eru skráðir á síðunna eru félagar í fagfélögum hönnuða og arkitekta hér á landi.

„Leitarvél síðunnar er upplýsandi og leiðbeinandi fyrir þau fjölbreyttu störf og verkefni á sviði hönnuða og arkitekta,“ samkvæmt tilkynningu frá Miðstöð hönnunar og arkitektúrs.

Síðan er hönnuð af Studio Erla & Jónas og Studio Studio og unnin af KODO.

„Yfirlitið er bæði á ensku og íslensku og gífurlega mikilvægt verkfæri fyrir Miðstöðina, félögin, hönnuði, arkitekta og almenning til að auka sýnileika íslenskrar hönnunar í ólíku samhengi.“

Tíska og hönnun Arkitektúr

Tengdar fréttir

Hönnuðurinn Thierry Mugler er látinn

Franski hátískuhönnuðurinn Thierry Mugler er látinn, 73 ára að aldri. Umboðsmaður Mugler segir hann hafa látist í gær af náttúrulegum orsökum.

24. janúar 2022 07:45

Rándýr stóll Góða hirðisins loksins kominn með heimili

Saga rándýra hönnunarstólsins sem var til sölu hjá Góða hirðinum fékk farsælan endi í dag. Stóllinn hefur hlotið sannkallaða yfirhalningu og var í dag gefinn til góðgerðasamtaka.

20. janúar 2022 21:00

Tveir hönnuðir, ein Billy bókahilla

Architectural Digest fékk til sín á dögunum tvo ólíka hönnuði til þess að endurgera hina frægu Ikea Billy bókahillu á einum degi. Það voru hönnuðirnir Drew Scott frá Lone Fox miðlinum og Leonard Bessemer frá Objects for Objects sem tókust á við þessa áskorun.

12. janúar 2022 16:00