Ferðaþjónustuaðilar frekar bjartsýnir

Fjallað er um könnunina í Fréttablaðinu í dag en hún var gerð af KPMG undi lok síðasta árs og verður kynnt á svokallaðri Nýársmálstofu ferðaþjónustunnar sem fram fer í dag. 

Mikill meirihluti aðspurðra, eða 77 prósent, er á því að ríkið þurfi í ljósi heimsfaraldursins að grípa til enn frekari aðgerða til að styrkja ferðaþjónustuna. 

Þá má lesa út úr könnuninni að forsvarsfólk í greininni leggi mikla áherslu á aukinn stöðugleika og fyrirsjáanleika. Þannig nefna svarendur fyrirsjáanleika og framtíðarsýn varðandi landamæraeftirlit og sóttvarnir og benda á að herðing og tilslökun reglna á víxl hafi fælandi áhrif.