Fótbolti

Mikael og Jón Dagur byrjuðu þegar AGF sótti stig gegn FCK

Arnar Geir Halldórsson skrifar
Jón Dagur á ferðinni í dag.
Jón Dagur á ferðinni í dag. vísir/Getty

Alls voru fjórir íslenskir knattspyrnumenn í leikmannahópunum þegar danska stórveldið FCK tók á móti AGF í dönsku úrvalsdeildinni í fótbolta í dag en aðeins tveir þeirra komu við sögu í leiknum.

Mikael Neville Anderson og Jón Dagur Þorsteinsson voru í byrjunarliði AGF sem sótti FCK heim á Parken en Ísak Bergmann Jóhannesson og Hákon Arnar Haraldsson sátu allan tímann á varamannabekk FCK.

Lukas Lerager kom heimamönnum í forystu í uppbótartíma fyrri hálfleiks og leit lengi út fyrir að það myndi reynast sigurmarkið í leiknum.

Gestirnir frá Árósum gáfust þó ekki upp og uppskáru jöfnunarmark þegar Patrick Mortensen skoraði úr vítaspyrnu þegar fimm mínútur voru komnar fram yfir venjulegan leiktíma.

Lokatölur 1-1.

Jón Dagur lék fyrstu 68 mínútur leiksins en Mikael lék allan leikinn á miðju AGF.

Danski boltinn

Mest lesið


Fleiri fréttir

Sjá meira


×

Mest lesið