Körfubolti

Tveir risa Subway-slagir í átta liða úrslitum VÍS-bikarsins

Óskar Ófeigur Jónsson skrifar
Logi Gunnarsson og Mario Matasovic hafa bikar að verja en Logi mun væntanlega ekki spila leikinn á móti Val vegna meiðsla.
Logi Gunnarsson og Mario Matasovic hafa bikar að verja en Logi mun væntanlega ekki spila leikinn á móti Val vegna meiðsla. Vísir/Hulda Margrét

Dregið var í átta liða úrslit VÍS bikars karla og kvenna í körfubolta í dag og það eru spennandi leikir fram undan.

Stórleikirnir eru tveir risa Subway-slagir. Stjarnan fær Grindavík í heimsókn og Valur tekur á móti bikarmeisturum Njarðvíkur.

Topplið Keflavíkur fær 1. deildarlið Hauka í heimsókn og ÍR-ingar taka á móti Íslandsmeisturum Þórs úr Þorlákshöfn.

Hjá konunum er öruggt að eitt 1. deildarliðið verður í undanúrslitunum í ár því Stjarnan tekur á móti Snæfelli í átta liða úrslitunum.

Stórleikurinn hjá konum er Subway-slagur Njarðvíkur og Fjölnis.

Bikarmeistarar Hauka heimsækja ÍR í Seljaskóla og Breiðablik tekur á móti sameiginlegu liði Hamars og Þór.

Átta liða úrslitin verða spiluð frá 11. til 13. desember næstkomandi.

  • Átta liða úrslit VÍS bikars karla:
  • Stjarnan - Grindavík
  • Valur - Njarðvík
  • ÍR - Þór Þorl.
  • Keflavík-Haukar
  • -
  • Átta liða úrslit VÍS bikars kvenna:
  • Breiðablik - Hamar/Þór
  • Njarðvík - Fjölnir
  • ÍR - Haukar
  • Stjarnan - Snæfell
Subway-deild karla Subway-deild kvenna Körfubolti Stjarnan UMF Grindavík Keflavík ÍF Haukar ÍR Þór Þorlákshöfn UMF Njarðvík Fjölnir Breiðablik

Mest lesið


Fleiri fréttir

Sjá meira


×

Mest lesið