Hita­met í Gríms­ey

 Hæsti hiti sem mælst hafði í Grímsey fram að því var 21,7 gráður, þann 27. júlí árið 2011. Þá var mjög heitt á Egilsstöðum í dag þó að þar hafi ekki fallið hitamet en klukkan tvö var 28,4 stiga hiti.

Í samtali við fréttastofu segir veðurfræðingur hjá Veðurstofu Íslands að um sé að ræða sjálfvirka mælingu sem eigi eftir að yfirfara. Hins vegar séu hverfandi líkur á því að við yfirferð verði niðurstaðan sú að metið frá árinu 2011 standi enn, þar sem sjálfvirkum mælum Veðurstofunnar sé vel haldið við og sjaldan þurfi að fella út mælingar þeirra.

Í Facebook-hópnum Hungurdiskar, sem haldið er úti af veðurfræðingnum Trausta Jónssyni, greinir Guðrún Nína Petersen veðurfræðingur frá því að um sé að ræða hæsta hita sem mælst hafi á sjálfvirku stöðinni í Grímsey, sem komið var upp 1994.