Kvöldfréttir Stöðvar 2

Þá kíkjum við í Borgarfjörðinn en farsæl lausn náðist í nágrannaerjum sem hefðu getað valdið því að Legsteinaskáli Páls í Húsafelli yrði rifinn. Sáttin náðist rétt áður en niðurrifið átti að hefjast.

Einnig förum við yfir stöðuna á húsnæðismarkaði, en um þriðjungur allra íbúða á höfuðborgarsvæðinu selst á yfirverði og framboð hefur dregist saman um sextíu prósent á einu ári.

Við hittum líka Íslandsmeistara í maraþonhlaupi sem ætlar að gefa áhorfendum góð ráð í hlaupi.

Þetta og margt fleira á samtengdum rásum Stöðvar 2 og Bylgjunnar klukkan 18.30.