Minnst 119 greindust innanlands og fækkar á sjúkrahúsi

Þá eru 1.302 í einangrun hér á landi og fækkar um 74 einstaklinga milli daga. 1.731 eru í sóttkví eða 24 færri en í gær. Einn farþegi greindist með virkt smit við landamæraskimun líkt og síðustu þrjá daga á undan. 

Þetta kemur fram í nýuppfærðum tölum á upplýsingavefnum Covid.is. Ekki liggur fyrir hvort um sé að ræða lokatölur gærdagsins en samkvæmt verklagi almannavarna verða tölurnar næst uppfærðar á morgun.

3.411 innanlandssýni voru tekin síðastliðinn sólarhring sem er svipaður fjöldi og dagana á undan. 331 sýni var tekið við landamærin. Nýgengi innanlandssmita lækkar lítillega milli daga og fer úr 423 í 420 á hverja 100 þúsund íbúa. 84 einstaklingar greindust innanlands á þriðjudag en af þeim var 51 fullbólusettur. 

Farið var yfir stöðu faraldursins á upplýsingafundi almannavarna og landlæknis. Hægt er að horfa á upptöku af fundinum og lesa textalýsingu hér á Vísi. 

Fréttin hefur verið uppfærð með upplýsingum um fjölda sjúklinga í gjörgæslu og öndunarvél.