Kvöldfréttir Stöðvar 2

Reglur á landamærunum breytast um mánaðarmótin þegar hætt verður að skima bólusetta, börn og fólk með vottorð um fyrri sýkingu. Rætt verður við ferðaþjónustuna um breytingarnar og forstjóra Íslenskrar erfðagreiningar um tímamótin í faraldrinum.

Einnig verður fylgst með veitingafólki í miðbænum sem var á hlaupum í dag við undirbúning næturlífsins sem viðbúið er að verði fjörug. Í fyrsta sinn í fimmtán mánuði verður opnunartími skemmtistaða óskertur.

Þá verður rætt við dómsmálaráðherra og lektor í lögreglufræðum um vinnubrögð lögreglu í Ásmundarsalarmálinu og borgarstjóra um nýtt hlutverk á bensínstöðvalóða í borginni.

Þetta og fleira á samtengdum rásum Bylgjunnar og Stöðvar 2 klukkan 18:30.