Kvöldfréttir Stöðvar 2

Þá greinum við frá lokabaráttunni í prófkjörum Sjálfstæðisflokksins í tveimur kjördæmum þar sem hart er barist um forystusætin og allir frambjóðendur eru jafn sigurvissir. 

Alþýðusambandið segir kórónuveirufaraldurinn skilja eftir sig djúp sár á vinnumarkaðnum sem komi meira niður á viðkvæmum hópum en fyrri kreppur. Við birtum nýja könnun þar sem spurt var um hvern Íslendingar vilja sem næsta forsætisráðherra og kíkjum við í Bókabúð Máls og menningar sem var aftur opnuð í dag á fornbókagrunni. 

Þetta og margt fleira á samtengdum rásum Bylgjunnar og Stöðvar 2 klukkan hálf sjö.