Hófu í nótt gerð varnar­garða við gos­stöðvarnar

Görðunum er ætlað að reyna að hefta för hauntungunnar niður í Nátthaga, en þaðan er leiðin greið niður á Suðurstrandarveg með tilheyrandi tjóni á innviðum og röskun á samgöngum. 

Að sögn lögreglunnar á Suðurnesum var hafist handa við verkið í nótt en þar á bæ höfðu menn ekki upplýsingar um hvernig til hafi tekist. 

Fannar Jónasson bæjarstjóri Grindavíkur sagði í samtali við fréttastofu í gær áhyggjuefni ef hrauntaumur rynni niður í Nátthaga og Bæjarráð Grindavíkur ályktaði í síðustu viku um að gera þyrfti allt sem mögulegt væri til þess að hefta framrás hraunsins í þá áttina.

Fylgjast má með beinni útsendingu Vísis frá gosstöðvunum hér fyrir neðan.