Fjöldi barna á Eyrarbakka og Stokkseyri í sóttkví

Í orðsendingu frá Páli Sveinssyni skólastjóra til foreldra á heimasíðu skólans kemur fram að nmandi hafi síðast verið í skólanum þriðjudaginn 20. apríl en ekki verið greindur fyrr en á laugardaginn.

Að kröfu smitrakningarteymis almannavarna og sóttvarnalæknis þurfi öll börnin að fara í sóttkví. Sýnatakan fer fram á morgun en þá verða sjö dagar liðnir frá því að börnin urðu útsett fyrir smiti.

Skólastarf fellur því niður í dag og morgun á yngra stigi. Ef nemendur fá neikvæða niðurstöðu úr sýnatöku geta þau mætt í skólann daginn eftir.

Innan við eitt hundrað nemendur eru á yngra stigi skólans.