Íslenski boltinn

Val­geir leikur með HK í sumar

Runólfur Trausti Þórhallsson skrifar
Valgeir Valgeirsson í leik gegn KR síðasta sumar.
Valgeir Valgeirsson í leik gegn KR síðasta sumar. VÍSIR/HAG

HK hefur heldur betur fengið öflugan liðsstyrk fyrir komandi tímabil í Pepsi Max-deild karla. Valgeir Valgeirsson, besti leikmaður liðsins á síðustu leiktíð, mun leika með uppeldisfélagi sínu í sumar. HK greindi frá þessu í kvöld.

Hinn 18 ára gamli Valgeir fór á láni til Brentford í Bretlandi að loknu síðasta tímabili og hefur leikið með varaliði félagsins. Svo virðist sem Brentford hafi ekki ákveðið að nýta sér kauprétt á kaupa og snýr hann aftur til HK í byrjun maímánaðar þegar lánsamningnum lýkur.

Síðasta sumar skoraði Valgeir fjögur mörk og lagði upp önnur fimm í 15 leikjum fyrir HK. Hann var svo kosinn besti leikmaður HK af samherjum sínum er tímabilinu lauk.

Íþróttadeild Vísis spáir HK 9. sæti í sumar líkt og síðustu tvö ár. Sú spá gerði ekki ráð fyrir Valgeiri og því má reikna með að HK setji markið töluvert hærra.

Valgeir Valgeirsson leikur með HK i sumar! Það er mikill fengur fyrir lið HK að fa Valgeir aftur til si n. I ...

Posted by HK Fótbolti on Friday, April 23, 2021
Íslenski boltinn Fótbolti HK Pepsi Max-deild karla

Mest lesið


Fleiri fréttir

Sjá meira


×

Mest lesið