Gunnar Örn nýr lögreglustjóri á Vesturlandi

Þetta kemur fram í tilkynningu á vef Stjórnarráðsins. Kemur hann í stað Úlfars Lúðvíkssonar sem hætti í fyrra þegar hann var skipaður í stöðu lögreglustjórans á Suðurnesjum.

Gunnar Örn var frá árinu 2015 yfirmaður ákærusviðs við embætti lögreglustjórans á Suðurlandi og staðgengill lögreglustjóra, þar til að hann tók við embætti lögreglustjóra á Norðurlandi vestra árið 2017. 

Gunnar Örn útskrifaðist sem lögfræðingur árið 2003. Hann starfaði sem löglærður fulltrúi sýslumannsins á Selfossi frá 2004 til ársins 2014, þar af sem staðgengill sýslumanns frá 2008.

Þrír um­sækj­endur voru um em­bætti lög­reglu­stjórans á Vestur­landi en um­sóknar­frestur rann út 14. desember. Auk Gunnars sóttu Arn­fríður Gígja Arn­gríms­dóttir að­stoðar­sak­sóknari og Birgir Jónas­son, lög­lærður full­trúi í greiningar­deild ríkis­lög­reglu­stjóra og stunda­kennari við Há­skólann á Akur­eyri, um stöðuna.

Fréttin hefur verið uppfærð.