Gott að finna sigurtilfinninguna

Þór átti í vandræðum með hröðu sóknirnar hjá ÍR í fyrri hálfleik en náðu betri tökum á því í seinni hálfleik.

„Ég fækkaði skiptingunni í eina skiptingu og setti Þórð í þristinn með Didda. Með reynslunni hjá Didda þá fór hann að stýra tempóinu upp á við líka þannig að það var helsta breytingin. Við vorum sömuleiðis að finna línuna vel en ég var samt stundum pirraður þegar við vorum að reyna 50/50 bolta inn á línuna sem gengur ekki eftir en að sama skapi þá eru allir línumennirnir okkar frábærir hvort sem þeir eru að spila akkúrat núna eða ekki.“

Þetta er þriðji sigurleikur Þór á tímabilinu en síðasti sigurleikur kom á móti Gróttu 14. febrúar síðastliðinn. Þór er í næst neðsta sæti nú með 6 stig, 4 stigum frá Gróttu.

„Þetta var gríðarlega mikilvægt og bara að fá þessa sigurtilfinningu aftur. Við megum hins vegar ekki fara fram úr sjálfum okkur þótt við höfum sigrað leikinn í dag. Síðast þegar við unnum leik þá fórum við mjög illa út úr næstu leikjum á eftir og við viljum ekki að það gerist aftur. Ég vona bara að við getum haldið áfram að byggja á þessu og gera vel.“

Gísli Jörgen var frábær í leiknum en hann skoraði 9 mörk fyrir heimamenn.

„Gísli mátti náttúrulega ekki spila á móti FH í síðasta leik. Þannig hann var frekar hungraður og langaði að spila. Hann gerði þetta mjög vel. Hann er búinn að vera flottur á æfingum og koma vel inn í hópinn. Frábær karakter.“

Þór heimsækir ÍBV í næstu umferð.

„Við erum á leiðinni til Eyjaí erfiðan útileik en ég tel að við getum strítt öllum. Það er bara að halda þessari sigurtilfinningu á lofti og koma tilbúnir til leiks á móti Eyjamönnum.“