Innlent

Bein útsending: Kvöldfréttir Stöðvar 2

Samúel Karl Ólason skrifar
Kvöldfréttir hefjast á samtengdum rásum Stöðvar 2, Bylgjunnar og Vísis á slaginu 18:30.
Kvöldfréttir hefjast á samtengdum rásum Stöðvar 2, Bylgjunnar og Vísis á slaginu 18:30. Vísir

Faðir tveggja ára drengs sem slasaðist, þegar bíll rann á fleygiferð niður brekku og skall af þunga á rólu sem hann lék sér í, segir kraftaverk að ekki hafi farið verr. Hann biðlar til almennings að dreifa ekki myndbandi af slysinu á samfélagsmiðlum.

Í kvöldfréttum Stöðvar 2 verður rætt við föðurinn og bæjarstjóra Hafnarfjarðar, sem segir úrbætur þegar hafnar á bílastæðinu. Engar athugasemdir hafi fundist hjá bænum frá íbúum vegna slysahættu.

Rætt verður við Þórólf Guðnason, sóttvarnalækni, sem segir hópsmit komið upp í samfélaginu en vonar þó að fjórða bylgjan sé ekki hafin. Þó megi ekki búast við frekari tilslökunum á næstunni.

Haldið verður áfram að fylgjast með jarðskjálftahrinu á Reykjanesskaganum, við verðum í beinni frá Alþingi þar sem rætt verður við þingmann Pírata sem kallaði eftir umræðu um rekstur spilakassa á landinu og að sjálfsögðu segjum við frá máli málanna í Bretlandi; viðbrögðum landans við viðtali Opruh við Meghan Markle og Harry Bretaprins.

Allt þetta og meira til í kvöldfréttum á samtengdum rásum Stöðvar 2 og Bylgjunnar kl. 18:30.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið