Kvöldfréttir Stöðvar 2

Takmörkunum á leik- og grunnskólum, þar á meðal tveggja metra reglunni, verður aflétt eftir fyrstu helgina í maí, fari heilbrigðisráðherra eftir tillögu sóttvarnalæknis. Þá hefur hann lagt til að allir sem koma hingað til lands til fimmtánda maí, útlendingar sem Íslendingar, sæti tveggja vikna sóttkví. Nánar verður fjallað um þetta og stöðuna vegna Covid-19, hér á landi og erlendis, í fréttum Stöðvar tvö klukkan hálf sjö.

Þar fjöllum við líka um aðgerðapakka stjórnvalda vegna kórónuveirunnar, sem kynntur verður á morgun og ræðum meðal annars við fulltrúa stjórnar og stjórnarandstöðu í beinni útsendingu.

Þetta og margt fleira í fréttum Stöðvar 2 klukkan 18.30.