Svan­dís, Guð­mundur Ingi, Karl Steinar, Dagur B. og Skí­mó í Bítinu

Svandís Svavarsdóttir heilbrigðisráðherra mætti til Bítismanna í þætti dagsins, sem og Dagur B. Eggertsson borgarstjóri. Guðmundur Ingi Guðbrandsson umhverfisráðherra var sömuleiðis á línunni.

Þátturinn hófst klukkan 6:50 en sjónvarpsútsendingu lauk klukkan 9 og hélt þátturinn svo áfram á Bylgjunni til klukkan 10.

Þeir Heimir og Gulli ræddu einnig við Steinar B. Aðalbjörnsson næringarfræðing hjá Royal Canine um mikilvægi gæludýra á þessum tímum.

Sömuleiðis var rætt við Boggu Eggertsdóttur, markaðsstjóra hjá Lyf og heilsu, og Gunnar Má Sigurfinnsson hjá Icelandair Cargo, en hann ræddi stöðu fraktflugsins hjá fyrirtækinu.

Karl Steinar Valsson ræddi verkefni lögreglunnar á þessum breyttu tímum. Einnig var spjallað við Berg Benediktsson sem hjólaði tæpa 500 kílómetra í Alaska til styrktar Krafti, stuðningsfélags fyrir ungt fólk sem greinst hefur með krabbamein, og knattspyrnumanninn Emil Hallfreðsson.

Þá var haldið áfram að fylgjast með för Garps Elísabetarsonar um landið. Í lok þáttar mætti svo hljómsveitin Skítamórall og frumsýndi nýtt tónlistarmyndband.