Ariana Grande trúlofuð

„Að eilífu og svo lengur,“ skrifaði Ariana með nokkrum myndum myndum sem hún deildi með fylgjendum sínum á Instagram í tilefni trúlofunarinnar. Nokkrar myndanna sýna þau Grande og Gomez saman á góðri stundu, en tvær þeirra snúa sérstaklega að trúlofunarhring Grande, sem skartar veglegum demanti.

Þar sem Grande er nokkuð fræg á hún fjölda vina sem eru einnig frægir. Margir þeirra skildu eftir athugasemd við Instagram-færslu Grande þar sem þeir lýstu velþóknun sinni á ráðahagnum. Þannig óskaði Stranger Things leikkonan Millie Bobby Brown parinu „eilífrar hamingju,“ á meðan Hailey Bieber skildi eftir athugasemd þar sem hún samgladdist parinu, stór hluti athugasemdar hennar var í hástöfum.

Þá hafa stjörnur á borð við Demi Lovato, Kim Kardashian og Ashley Tisdale einnig óskað parinu til hamingju.

Orðrómur þess efnis að Grande og Gomez væru að hittast fór á kreik í febrúar á þessu ári, en þau kynntust í gegn um sameiginlega vini.

Þetta er í annað sinn sem Ariana Grande trúlofar sig. Hún var áður trúlofuð leikaranum og grínistanum Pete Davidson, en þau slitu samvistum í október 2018.