Ragnar snýr aftur í leik­manna­hóp FCK í síðasta leiknum fyrir lands­leikinn mikil­væga

Ragnar Sigurðsson er einn af þeim tuttugu leikmönnum sem hafa verið valdir í leikmannahóp FCK fyrir stórleikinn gegn FC Midtjylland á morgun, sunnudag.

Ragnar hefur ekki leikið síðan hann fór af velli í landsleik Íslands og Danmerkur þann 11. október og er í fyrsta skipti í leikmannahópnum hjá FCK síðan þá.

Þetta er fyrsti deildarleikur Jess Thorup sem þjálfari FCK en hann hefur áður þjálfað Midtjylland. Tuttugu menn eru í upprunalega hópnum og verða tveir skornir frá áður en flautað verður til leiks í Herning í kvöld.

Þetta eru góðar fréttir fyrir íslenska landsliðið sem spilar leikinn mikilvæga gegn Ungverjalandi á fimmtudagskvöldið kemur en það er úrslitaleikur um sæti á EM næsta sumar.

Ragnar er í íslenska hópnum sem tilkynntur var á föstudaginn.