Sjáðu gæsahúðarflutning Stefaníu Svavars á ballöðunni Without You

Það er fátt sem toppar kröftugar ballöður og þá sérstaklega þegar þær eru í fallegum flutningi. Síðasti þáttur af Í kvöld er gigg var svo sannarlega ballöðuþáttur og gestirnir ekki af verri endanum.

Söngdívurnar fjórar þær Elísabet Ormslev, Regína Ósk, Jóhanna Guðrún og Stefanía Svavars gáfu ekkert eftir með glæsilegum söng og einstökum sjarma. 

Þetta var í annað sinn sem söngkonan Stefanía Svavars var gestur Ingó en í fyrra skiptið sló hún í gegn þegar hún rappaði og söng Fugees lagið - Ready Or Not.

Í þessum þætti sýndi hún svo á sér nýja hlið og tók lagið Without You sem var eitt af þeim lögum sem skaut söngkonunni Mariuh Carey upp á stjörnuhimininn á sínum tíma.