Ólöglegt skordýraeitur í baunum

Matvælastofnun varar við neyslu á TRS Asia´s finest foods black eye beans sem Lagsmaður ehf. og Kína Panda ehf. flytja inn.

Ástæðan er sú að ólöglega varnarefnið chlorpyrifos greindist í baununum. Chlorpyrifos er skordýrareitur.

Í tilkynningu á vef MAST segir að Heilbrigðiseftirlit Hafnarfjarðar, Garðarbæjar og Kópavogs (HHGK) og Heilbrigðiseftirlit Suðurnesja (HSN) aðstoði fyrirtækin með innköllun.

MAST fékk upplýsingar um vörurnar í gegnum evrópska hraðviðvörunarkerfið RASFF um hættuleg matvæli á markaði og gerði heilbrigðiseftirlitinu viðvart.

Að því er segir í tilkynningu á innköllunin einungis við eftirfarandi lotu með best fyrir dagsetningu 30.04.2022:

• Vörumerki: TRS Asia's finest foods
• Vöruheiti: Black eye beans
• Innflytjandi: Lagsmaður ehf.
• Lotunúmer/best fyrir dagsetningar: P70463 með best fyrir dagsetningu 30.04.2022
• Dreifing: Fiska.is, verslanir Fiska.is á Nýbýlavegi 6 í Kópavogi og Lóuhólum 2 Reykjavík, ásamt Kína Panda ehf. í Keflavík.