Mourinho segir Man Utd á réttri leið

Manchester United og Tottenham mætast í ensku úrvalsdeildinni í dag. Jose Mourinho, þjálfari Tottenham og fyrrum stjóri Man Utd, telur Manchester United vera í þróun í rétta átt.

„Þetta er lið sem bætir sig með hverju árinu. Yngri leikmenn eru nú orðnir árinu eldri, þeir eru reyndari núna. Leikmenn sem liðið hefur keypt eru gæðaleikmenn.

Margir sem voru mikilvægir leikmenn undir minni stjórn á Old Trafford eru það ekki lengur. Þeir eru á bekknum og sumir komast ekki einu sinni í hóp, þannig það er mikil framþróun hjá liðinu,“ sagði Jose Mourinho.

„Ég held þeir muni vinna titla, fyrr eða seinna, það er áttin sem þeir eru að stefna í.“