Fjögurra bíla á­rekstur á Reykja­nes­braut

Fjögurra bíla árekstur varð á Reykjanesbraut í morgun. Engin slys urðu á fólki og áreksturinn er sagður minniháttar í tilkynningu frá lögreglu. Afar snjóþungt er nú á höfuðborgarsvæðinu og hefur umferð gengið mjög hægt fyrir sig.

Þá greinir lögregla frá því að tilkynnt hafi verið um annað umferðaróhapp á Bústaðavegi í morgun, þar sem ökumaður missti stjórn á bíl sínum með þeim afleiðingum að hann ók á umferðaskilti og þaðan áfram upp á umferðareyju. Ökumaðurinn slasaðist ekki.

Snjó hefur kyngt niður í höfuðborginni það sem af er morgni og áfram mun ganga á með éljum í dag.