Almarr skoraði með alvöru þrumufleyg

Almarr Ormarsson skoraði sannkallað draumamark fyrir KA þegar liðið gerði 1-1 jafntefli við Fylki í Lengjubikarnum í fótbolta í gær.

Liðin áttust við í Boganum á Akureyri og komst Fylkir yfir á 16. mínútu með marki Ólafs Inga Skúlasonar. En fjórum mínútum síðar hafði Almarr jafnað metin með þrumufleygnum sem sjá má hér að neðan.

Almarr Ormarsson gerði mark KA gegn Fylki í 1-1 jafntefli liðanna í Lengjubikarnum í dag. Markið var vægast sagt af dýrari gerðinni og þess virði að sjá aftur og aftur! #LifiFyrirKApic.twitter.com/9ZH6Vvjja9

— KA (@KAakureyri) February 15, 2020

Liðin leika í 2. riðli A-deildar og var þetta fyrsti leikurinn í riðlinum, en Keflavík vann svo Fram 2-1 í sama riðli í gærkvöld. Næsti leikur KA er við Fram í Egilshöll á laugardaginn en Fylkir leikur næst við Magna eftir viku, einnig í Egilshöll.