Kvöldfréttir Stöðvar 2

Vegna tæknilegra vandamála virkar spilarinn hér í fréttinni ekki. Hægt er að horfa á fréttatímann á sjónvarpsvef Vísis hér.

Forsætisráðherra segir koma til greina að herða tökin á landamærunum. Engin ein leið muni þó koma í veg fyrir að veiran berist hingað til lands. Ráðherra hefur lagt höfuðáherslu á að halda skólum, íþróttum, frístundum og menningarlífi sem mest gangandi í vetur.

Fjallað verður nánar um málið í kvöldfréttum Stöðvar 2 klukkan 18:30.

Eins metra fjarlægðarregla leysir mörg vandamál varðandi skólahald í haust að sögn skólameistara. Til greina kemur að endurskoða skólareglur með tilliti til sóttvarnarreglna til að koma í veg fyrir að skólahald leggist alfarið af. Fjallað verður nánar um málið í kvöldfréttum.

Eigendur veitinga- og skemmtistaða hafa þurft að gera ráðstafanir í ljósi hertra sóttvarna- og fjöldatakmarkana. Lögreglan hóf um helgina aukið eftirlit með veitingastöðum til að kanna aðstæður og hyggst beita sektum eða lokunum ef reglum er ekki fylgt. Við verðum í beinni útsendingu frá miðbænum og ræðum við bareiganda um hvernig gangi að framfylgja sóttvarnarreglum á öldurhúsum.

Einnig verður fjallað um nýjustu vendingar í Líbanon, en ríkisstjórn landsins sagði af sér í dag og við fylgjumst með þegar mjaldrasystrnar Litla-Grá og Litla-Hvít voru færðar út í umönnunarlaug í Klettsvík í Vestmannaeyjum.

Þetta og margt fleira á samtengdum rásum Bylgjunnar, Stöðvar 2 og Vísis klukkan 18:30.