Viltu slá kúluna til Portúgal?

„Það sem er einstakt við þetta golfmót er það að allir geta tekið þátt. Eina skilyrðið er að vera orðinn átján ára og vera með löglega forgjöf,“  segir Árni Árnason skipuleggjandi Meistaramótsins í betri bolta. 

Forkeppni mótsins byrjaði 20. júní síðastliðinn og stendur hún yfir til 31.júlí. Mótið er eitt stærsta mót áhugamanna í golfi hér á landi og segist Árni finna fyrir miklum áhuga og spenning meðal kylfinga.  

„Það er alls ekki of seint að skrá sig þó að forkeppnin sé hafin en við hvetjum þó fólk til að skrá sig sem fyrst til að hafa möguleika á öllum vinningunum sem eru í boði í forkeppninni,“ segir Árni. 

Styrktaraðilar mótsins eru Bylgjan og Stella Artois léttöl en daglega eru dregnir út veglegir vinningar í forkeppninni. Keppendur geta meðal annars átt möguleika á því að vinna sér inn áskrift af Stöð 2, kassa af Stellu léttöl  og golfhringi í Kiðjabergi svo eitthvað sé nefnt. 

Þetta er í fyrsta skipti sem mót með þessu sniði er haldið á Íslandi þar sem öllum kylfingum gefst kostur á að taka þátt, hvar sem þeir spila á landinu, óháð aldri og kyni. Forkeppnin er einstaklingskeppni og það eina sem þarft að gera er að skrá sig, borga þátttökugjald og skila inn þremur bestu punktaskorunum yfir þetta tímabil. 

Þetta gæti ekki verið einfaldara svo að það er engin afsökun fyrir því að skrá sig ekki. Í forkeppninni gilda öll skor á tímabilinu 20. júní til 31. júlí og geta kylfingar skráð skor aftur í tímann.

38 efstu kylfingarnir að loknu tímabilinu tryggja sér svo þátttökurétt í lokamótinu í ágúst, ásamt gesti að eigin vali. Þar spila tveir kylfingar saman í liði og telur betra punkta skor liðsins á hverri holu.

Verðlaunin í lokamótinu eru svakaleg. Með því allra flottasta sem hefur sést. Sigurliðið vinnur sér inn ferð glæsilega ferð til Portúgal 2021 þar sem það verður fulltrúi fyrir Íslands hönd í lokamóti International Pairs, óopinberu heimsmeistaramóti í betri bolta með forgjöf. Allt uppihald er borgað fyrir keppendur svo að það er til mikils að vinna. 

Árni segir að leitun sé að glæsilegri aðalvinning í íslensku golfmóti og hvetur því alla sem kylfu geta valdið að slá til og vera með. Einnig bendir hann fólki á Facebook síðu mótsins þar sem hægt er að senda inn fyrirspurnir og fylgjast með gangi mála. 

Það er því um að gera að pússa kylfurnar, æfa sveifluna og spila fullt af golfi í sumar. Hver veit, þú gætir verið að leiðinni til Portúgal með þínum uppáhalds golffélaga.

Fyrir áhugasama er hægt að skrá sig á mótið hér.