Leit að skip­verjanum lokið í dag

Leit að Axel Jósefssyni Zarioh, skipverjanum sem leitað hefur verið í Vopnafirði undanfarna daga er lokið í dag án árangurs. Fram kemur í tilkynningu frá lögreglu að leitað hefur verið á mjög stóru svæði bæði á landi og á sjó í dag auk þess að flugdróni og þrívíddarskanni hefur verið notaður við leitina.

Framhald leitarinnar verður ákveðið síðar. Axel sem er átján ára gamall er talinn hafa fallið fyrir borð fiskiskips í Vopnafirði á mánudag.

Um 90 björgunarsveitarmenn tóku þátt í leitinni í dag og komu frá björgunarsveitum allt frá Djúpavogi til Akureyrar.