Stóra Bubbamálið krufið

Bítið er á sínum stað á þessum bjarta föstudagsmorgni. Það hefst venju samkvæmt klukkan 6:50, stendur til klukkan 10 og má horfa á hér að neðan. 

Í þættinum í dag fá þeir Heimir og Gulli til sín fulltrúa verkefnisins Styrkjum Ísland sem miðar að því að styðja við ferðaþjónustuna og um leið bjóða Íslendingum upp á ódýra hótelgistingu í sumar. 

Íslandsbanki er byrjaður að gefa út brúarlán og verður Birna Einarsdóttir bankastjóri á línunni. Þá munu góðir gestir fara yfir fréttir vikunnar en það er af nógu að taka. 

Æsa Sigurjónsdóttir dósent við HÍ mun koma og ræða stóra Bubba-sígarettumálið sem tröllreið öllu í gær. 

Þá mun Bítið fjalla um nýja könnun sem sýnir að 16 prósent Íslendinga hendi rusli í klósettið. Helst sé um að ræða fólk á fertugsaldri og eru karlar nokkuð verri í þessum efnum.

Þetta og meira til í Bítinu sem má sjá hér að neðan, á sjónvarpsstöðinni Stöð 2 Vísir og auðvitað á Bylgjunni.