Kvöldfréttir Stöðvar 2

Ríflega sjötíu börn með offitu eru á biðlista til að komast að í Heilsuskóla Barnaspítala Hringsins og þurfa að bíða í allt að ár eftir þjónustu. Sérfræðingar í Heilsuskólanum segja stöðuna slæma, enda er þetta eina formlega úrræðið sem kerfið býður upp á fyrir börnin.

Nánar verður fjallað um þetta í fréttum Stöðvar tvö klukkan hálf sjö, en málefnið var tekið fyrir í fréttaskýringaþættinum Kompási sem sýndur var á Vísi í dag.

Í kvöldfréttunum kynnum við okkur líka skemmtilega togstreitu sem ríkir milli Öxndæla og Hörgdæla um nafnið á einum frægasta fjallstindi landsins.

Þetta og margt fleira í fréttum Stöðvar tvö klukkan 18.30.