Sportpakkinn: Pressa á Kristjáni

Ekki hefur gengið sem skyldi hjá þýska handboltaliðinu Rhein-Neckar Löwen í upphafi tímabils. Eftir ellefu umferðir er Löwen í 6. sæti þýsku úrvalsdeildarinnar með ellefu stig.

Kristján Andrésson tók við Ljónunum frá Mannheim af Nikolaj Jacobsen í sumar. Kristján hefur stýrt sænska landsliðinu með frábærum árangri frá 2016. 

Þolinmæðin er ekki mikil í Þýskalandi og allra síst í Mannheim þar sem menn eru góðu vanir síðustu ár.

Kristján ku njóta stuðnings forráðamanna Löwen þótt þolinmæðin vari ekki endalaust.

Frétt Guðjóns Guðmundssonar má sjá í heild sinni hér fyrir neðan.