Teygði sig eftir vatns­flösku og klessti á bíl úr gagn­stæðri átt

Ökumaður olli árekstri á Reykjanesbraut í vikunni þegar hann teygði sig eftir vatnsflösku og sveigði við það inn á rangan vegarhelming. Bifreið hans hafnaði þá á bifreið sem kom á móti. Ekki urðu slys á fólki en bílarnir voru fluttir af vettvangi með dráttarbifreið, að því er fram kemur í tilkynningu frá lögreglu á Suðurnesjum.

Í tilkynningu kemur fram að töluvert hafi verið um umferðaróhöpp í vikunni. Annar ökumaður ók til að mynda aftan á bifreið sem var kyrrstæð á gatnamótum. Ökumaðurinn sem ekið var á kenndi eymsla eftir áreksturinn.