Ný auglýsing Domino's-deildanna: Pavel mætti Brynjari Þór

Ný auglýsing fyrir Domino's-deildir karla og kvenna í körfubolta fer í birtingu í dag en hana má sjá hér fyrir neðan.

Í auglýsingunni má sjá marka þekktustu leikmenn deildanna í öðruvísi umhverfi en hún var tekin upp í Toppstöðinni í Elliðarárdal.

Meðal þess sem má sjá bregða fyrir er Pavel Ermolinskij mæta sínum gamla félaga úr KR, Brynjari Þór Björnssyni. Pavel leikur nú með Val en Brynjar Þór sneri í sumar aftur í KR eftir eins árs dvöl hjá Tindastóli.

Nýtt tímabil í báðum deildum hófst í vikunni en í kvöld verða tveir leikir í Domino's-deild karla í beinni útsendingu. Þór Þorlákshöfn tekur á móti Stjörnunni klukkan 18.30 en að honum loknum verður viðureign KR og Grindavíkur sýnd.

Vinnsla auglýsingarinnar var í höndum auglýsingastofunnar Brandenburg, framleiðandi var Hannes Friðbjarnarson hjá Republik og leikstjóri var Magnús Leifsson.