Biles fær tvö stökk nefnd eftir sér

Simone Biles fékk tvö stökk nefnd eftir sér þegar hún fór enn einu sinni á kostum í forkeppni HM í Stuttgart um helgina.

Biles fékk flest stig allra keppenda í forkeppninni og var hæst dæmd á þremur áhöldum af fjórum.

Hún tókk afstökk af jafnvægisslánni sem engum hefur dottið í hug að framkvæma áður. Afstökkið var tvöfalt heljarstökk með tvöfaldri skrúfu.

Í æfingum á gólfi tók hún tvöfalt heljarstökk með þrefaldri skrúfu. Bæði stökkin verða nefnd eftir henni.

Biles mun hefja keppni í úrslitunum á HM í vikunni.