Ísak Bergmann skoraði í fyrsta leiknum fyrir aðallið Norrköping

Skagamaðurinn Ísak Bergmann Jóhannesson skoraði í sínum fyrsta leik fyrir aðallið Norrköping í kvöld.

Norrköping vann þá 1-6 sigur á D-deildarliði Timrå í 2. umferð sænsku bikarkeppninnar.

Ísak, sem er 16 ára, gekk í raðir Norrköping ásamt öðrum Skagamanni, Oliver Stefánssyni, í vetur.

Ísak, sem hefur leikið vel með yngri landsliðum Íslands, fékk sitt fyrsta tækifæri með aðalliði Norrköping í kvöld og nýtti það vel. Hann skoraði þriðja mark liðsins í uppbótartíma fyrri hálfleiks.

Guðmundur Þórarinsson lék ekki með Norrköping í kvöld.