Öflugur jarðskjálfti mældist í Indónesíu

Jarðskjálfti, 6,8 að stærð, mældist á vesturströnd Indónesíu fyrr í dag samkvæmt upplýsingum frá bandarísku jarðvísindastofnuninni. Skjálftamiðja jarðskjálftans mældist í Sundasundi, rúmum hundrað kílómetrum frá borginni Tugu Hilir á eyjunni Java.

Skjálftinn fannst í Jakarta, höfuðborg Indónesíu og sáust íbúar borgarinnar hlaupa út úr húsum sínum.

Yfirvöld í Indónesíu hafa gefið út minniháttar flóðaviðvörun fyrir fjögur svæði. Nú er unnið að því að flytja íbúa í burtu frá strandlengjunni yfir á landsvæði sem er hærra yfir sjávarmáli.