Alvarlegur árekstur við Skógafoss

Bílstjóri og þrír farþegar voru í fólksbíl sem lenti í árekstri við olíuflutningabíl á gatnamótum Suðurlandsvegar og innkeyrslunnar að Skógafoss klukkan ellefu í morgun.

Fjórir voru fluttir á sjúkrahús en um er að ræða þá sem voru í fólksbílnum. Var þyrla Landhelgisgæslunnar kölluð út að sögn Sveins Kristjáns Rúnarssonar, yfirlögregluþjóns á Suðurlandi.

Umferð er hleypt hægt um Suðurlandsveg og í skömmtum á meðan viðbragðsaðilar sinna störfum á vettvangi að sögn Sveins Kristjáns. Hvorki liggja fyrir upplýsingar um líðan fólksins og né aðdraganda slyssins.

Fréttin var síðast uppfærð klukkan 14:02.